Creu Dysgwyr Annibynnol – Cath Delve

Mae arolygiadau ESTYN yn argymell yn rheolaidd bod plant yn gwella’r sgiliau hyn, ond sut ydym ni’n cyflawni hynny o ddydd i ddydd yn ein hysgolion? Mae annibyniaeth yn llawer mwy na phlant ddim yn torri ar draws athrawon…

Rhaid i ni ofyn i’n hunain:

Beth ydym ni’n ei wneud dros y plant hyn y gallent ei wneud drostynt eu hunain — o’r amser y maent yn dod i’r ysgol yn y bore hyd nes y maent yn mynd adref?

Bydd y cwrs Creu Dysgwyr Annibynnol yn ymdrin â llawer o agweddau ar annibyniaeth, gan gynnwys:

• Sut a beth yw plentyn annibynnol?

• Sut gallwn hyrwyddo annibyniaeth ar draws y diwrnod ysgol a phob maes dysgu?

• Beth yw’r prif rwystrau i greu dysgwyr annibynnol, o safbwynt oedolion ac o safbwynt y plant eu hunain?

• Sut ydym ni’n ei fodelu, ei chanmol a’i gwobrwyo?

• Pwysigrwydd ymddygiad oedolion wrth hyrwyddo annibyniaeth — peidio â gor-gyfarwyddo, gor-oruchafu na gor-baratoi

• Sut i drefnu ystafell ddosbarth ‘hunangymorth’ — amgylchedd sy’n annog annibyniaeth

• Y gwahaniaeth rhwng dysgwr dibynnol a dysgwr annibynnol

• Cynnal safonau drwy hyrwyddo annibyniaeth

Mae’r cwrs hefyd yn cynnwys amser i fyfyrio ar eich ymarfer presennol eich hun ac yn rhoi amser i chi ddatblygu cynllun gweithredu yn seiliedig ar yr hyn yr ydych eisoes yn ei wneud yn dda, yr hyn sydd angen ei addasu a’i fireinio, a’r hyn sydd angen i chi ei dargedu wrth symud ymlaen.