Hyfforddiant Dysgu yn yr Awyr Agored

Ar 23 Mehefin yng Nghaerfyrddin ac ar 29 Mehefin yn Llandudno, cynhaliodd CYDAG ddiwrnodau hyfforddi ar ddysgu effeithiol yn yr awyr agored, dan arweiniad Cath Delve a Karen Mills. 

Roedd yr hyfforddiant yn canolbwyntio ar sut i wneud defnydd effeithiol o’r awyr agored fel rhan naturiol o ddysgu mewn ysgol gynradd. Trafodwyd y prif negeseuon ynghylch beth yw dysgu awyr agored effeithiol, sut i ddatblygu mannau concrit a thiroedd ysgol, pa systemau a threfniadau ymarferol sy’n gweithio’n dda, a sut y gellir dod â’r awyr agored i mewn i’r ystafell ddosbarth. Edrychwyd hefyd ar wahaniaethu her, dilyniant a’r camgymeriadau cyffredin y gall ysgolion eu gwneud wrth gynllunio darpariaeth awyr agored. 

Roedd y prynhawn yn rhoi cyfle i’r mynychwyr gymryd rhan mewn ystod eang o weithgareddau ymarferol, o’r Meithrin hyd at Flwyddyn 6 ac ar draws y Meysydd Dysgu a Phrofiad. Roedd hyn yn galluogi’r cyfranogwyr i weld syniadau ar waith ac i ystyried sut y gellid eu haddasu ar gyfer eu hysgolion eu hunain. 

Roedd pwyslais drwy gydol y dydd ar syniadau ymarferol y gellid eu rhoi ar waith yn syth.